Sundimtari 84 vjeçar i Arabisë Saudite, Mbreti Salman, është shtruar në spitalin e kryeqytetit të vendit të tij, Riyadh, pasi vuante nga një inflamacion, ka thënë agjencia shtetërore e lajmeve.

Mbreti, i cili e ka sunduar eksportuesin më të madh të naftës në botë dhe aleatin e madh të ShBA-ve që nga viti 2015, po i kryen aktualisht disa testime mjekësore, shtoi agjencia shtetërore e lajmeve SPA, pa dhënë detaje shtesë.

Pas lajmit, kryeministri irakian, Mustafa al-Kadhimi e shtypu një vizitë të planifikuar për në Arabinë Saudite tha ministri i Jashtëm, Princi Faisal bin Farhan Al Saud.

Mbreti Salman, përkujdesësi i vendeve të shenjta islamike, i ka kaluar më shumë se dy vjet e gjysmë si princ i kurorës saudite dhe si zëvendës-prijës nga qershori i vitit 2012, para se të bëhej mbret.

Sundimtari de fakto dhe i ardhshmi që pret ta marrë fronin është princi aktual i kurororës, Mohammed bin Salman.